Nola jakin daiteke ea emakume batek indarkeria jasaten duen bere bikotekidearen edo bikotekide ohiaren partetik?

Kontuz! Alerta seinaleak daude...

• Bikotekideak bidalitako WhatsApp mezuari berehala erantzun behar badio eta non eta norekin dagoen esan behar badio.
• Gizonaren gustuetara egokitzen bada (janzteko garaian, jarduerak egiteko orduan...) eta bereak aldatzen baditu.
• Bakarrik zaudetenean eta bikote-harremana nola dagoen galdetzen diozunean gaiaz aldatzen badu.
• Hain sarri gelditu nahi ez duela nabaritzen baduzu eta gelditzen zaretenean agertzen ez bada edo azkar alde egin behar badu.
• Beti bere bikotekideari atsegin eman nahi diola ikusten baduzu.
• Harekin zaudenean bikotekideak edozein anekdota aprobetxatzen badu barregarri uzteko.
• Harekin zaudenean, urduri, isilik, galduta ikusten baduzu.
• Lagunekin ez geratzeko aitzakiak jartzen baditu.
• Bikotekideak sare sozialetatik kontrolatzen badu.

Kontuz! Seinaleak adiago egoteko dira...

• Bikotekideak harentzat baliotsuak diren objektuak apurtu baldin badizkio.
• Triste ikusten baduzu, aurpegi txarrarekin edo izaera aldatu zaiola nabaritu baduzu.
• Zerbaitek bikotekideari molesta dakiokeela uste duenean beldurrez erreakzionatzen badu.
• Emakumea errudun sentitzen bada beti tentsioan eta liskarretan egoteaz.
• Gizonak lagunen batekin liskarrak izan baditu jeloskorkeriagatik.
• Jo egin duela eta/edo oihu egin diola kontatu badizu.
• Gizonak mehatxu egin diola entzun baduzu edo emakumeak mehatxu egin diola esaten badizu.
• Gizonak haserretzen denean horma, altzariak edo objektuak kolpatzen dituela kontatu badizu.
• Sexu-harremanak izatera behartu duela kontatu badizu.