Nola jakin dezakezu ea sexu-indarkeria jasan duzun?

• Zure gorputzari buruzko iruzkinak edo sexu-iruzkin iraingarriak (irainak) jaso dituzu?
• Sexu-keinu iraingarriak egin dizkizute?
• Zure gorputzarekiko begirada lizunak jasan dituzu?
• Nahi ez zenituen mezu sexualak jaso dituzu sare sozialetan, posta elektronikoz, mugikorrez edo paperean?
• Emakume izateagatik irainak jaso dituzu sare sozialetan, posta elektronikoz, mugikorrez edo paperean?
• Zure bideo edo argazki sexualak argitaratzeko mehatxu egin dizute edo behartu zaituzte?
• Zure bizitza sexualari buruzko zurrumurruak zabaldu dituzte?
• Mezu masiboak, dei errepikakorrak, jarraipenak, espioitzak eta abar jasan dituzu? (Stalking)
• Haurdunaldian, erditzean eta erditze ostean zuk erabaki ez zenuen eta beharrezkoa ez zen botikarik eman dizute edo osasun-langileek egokiak ez ziren bestelako jarduketak edo jokabideak egin dizkizute? (Indarkeria obstretikoa)
• Bideoak edo irudiak (sexualak) partekatu dituzu nahita (bikotekidearekin, lagunekin...) eta ondoren zabaldu egin dituzte zure baimenik gabe? (sexting)
• Lan-arloan edo hezkuntzan errepresaliekin mehatxu egin dizute (kaleratzeak, azterketa bat ez gainditzea, etab.) sexu-proposamen bat ez onartzegatik? (jazarpen sexuala)
• Sexu-mesedeen truke hobekuntzak lortzeko (lanekoak, ikasketetakoak, bestela lortuko ez zenituzkeen opariak, etab.) iradokizunak edo proposamenak egin dizkizute? (jazarpen sexuala)
• Exhibizionista batek bere genitalak erakutsi dizkizu edo ekintza lizunak egin ditu zure aurrean?
• Sexu-harreman baten erdian, preserbatiboa kendu du noizbait mutilen batek zure baimenik GABE? (Stealthing)
• Zuregana hurbildu, igurtzi edo ukitu sexualak egin dizkizu zuk nahi ez zenuenean, mehatxuekin, indarkeria fisikoarekin eta larderiarekin edo gabe? (Sexu-erasoa)
• Nahi ez zenuen sexu-harreman bat izaten saiatu dira zurekin edo behartu egin zaituzte (ahotik, uzkitik edo baginatik)? (bortxaketa)
• Genitalak mutilatu dizkizute?
• Zure borondatearen aurka ezkontzera behartu zaituzte?

Sexu-indarkeriaren biktima dira onartu ez duten edozein sexu-ekintza pairatu dutenak edo eremu publikoan, pribatuan edo digitalean beren bizitza sexuala libreki bizitzea eragozten dien edozein egoera jasan dutenak. Gehiago irakurri