Indarkeriazko delituen eta sexu-askatasunaren aurkako delituen biktimentzako dirulaguntzak

Heriotza, lesio larriak edo osasun fisikoarentzako edo burukoarentzako kalte larriak eragin dituzten Espainian egindako delitu biolentoen zuzeneko edo zeharkako biktimentzako dirulaguntza publikoa da.

Halaber, sexu-askatasunaren aurkako delituen biktima zuzenentzako dirulaguntzak aurreikusten dira, indarkeriarik gabeak izan arren.

Dirulaguntza beste estatu batekoak izan arren Espainian dauden emakumeentzat ere bada, haien egoera administratiboa edozein izanik ere, betiere kaltetua genero-indarkeriaren biktima bada 2004ko abenduaren 28ko Lege Organikoan aurreikusitako terminoetan, eta delituak emakumearen aurkako indarkeriaren ondorio baldin badira.

Dirulaguntza horiek eskatzeko epea urtebetekoa da delitua gertatu zenetik, kaltetua bikotekidearen edo bikotekide ohiaren biktima den kasuetan izan ezik. Orduan, epea hiru urtekoa izango da. Epe hori zigor-prozesua hastean eten egingo da eta berriro hasi ebazpen judizial irmoa dagoenean.